Анна Данилина Гамбург турнирінің жартылай финалына жолдама алды

Қазақстанның жұптық сындағы бірінші, әлемнің 25-ракеткасы Анна Данилина Гамбург (Германия) WTA 250 турнирінің жартылай финалына жолдама алды. Бұл туралы Қазақстанның теннис федерациясы хабарлайды.

Жарыстың 1-ракеткасы болып тіркелген қазақстандық теннисші ресейлік Александра Пановамен бірге ширек финалда аустриялықтар Мелани Клаффнер – Синья Крауспен шеберлік байқасты.

Екі сетке жалғасқан матчта қазақстандық-ресейлік жұп 6:1, 6:3 есебімен қиындықсыз жеңіске жетті.

Данилина мен Панованың жартылай финалдағы қарсыластары кейін анықталады.

Жекелей сында тағы бір қазақстандық, әлемнің 58-ракеткасы Юлия Путинцева ширек финалға шыға алмады.

Ол дүниежүзілік рейтингте 106-орында тұрған германиялық Юле Нимайерден жеңіліс тапты. Есеп: 7:5, 3:6, 1:6.

Мәтіннен қате тапсаңыз, бізге жазыңыз