Қазақстанның жұптық сындағы бірінші, әлемнің 45-ракеткасы Александр Недовесов Хорватияның Умаг қаласында өтіп жатқан ATP 250 турнирінің ширек финалына шықты. Бұл туралы Қазақстанның теннис федерациясы хабарлайды.
Отандық теннисші эквадорлық Гонсало Эскобармен бірге бастапқы матчын жарыстың 4-ракеткалары, уругвайлық Ариэль Бехар – чехиялық Адам Павлашекпен өткізді.
Бірінші партияда қазақстандық-эквадорлық жұп 6:3 есебімен басым түссе, екіншісінде А.Бехар – А.Павлашек есе қайырды (6:4).
Супер тай-брейкте Недовесов – Эскобар айқын басымдылық танытты. Есеп: 10:3.
Александр Недовесов пен Гонсало Эскобардың ширек финалдағы қарсыластары кейін анықталады.
Мақаланың түпнұсқасы: https://kaz.nur.kz/sport/other-sports/2030296-aleksandr-nedovesov-xorvatiyadagy-zarystyn-sirek-finalyna-syqty/
