Қазақстанның бірінші ракеткасы Германиядағы беделді турнирдің финалына шықты

Қазақстанның жұптық сындағы бірінші, әлемнің 25-ракеткасы Анна Данилина Гамбург (Германия) WTA 250 турнирінің финалына жолдама алды.

Жарыстың 1-ракеткасы болып тіркелген қазақстандық теннисші ресейлік Александра Пановамен бірге жартылай финалда италиялықтар Анжелика Морателли - Камилла Розателломен шеберлік байқасты.

Үш сетке созылған ойында Анна Данилина мен әріптесі 3:6, 7:6, 10:3 есебімен жеңіске жетті.

Енді финалда олар Мириам Колодзиева (Чехия)/Анжелика Куликовпен (АҚШ) бас жүлдені сарапқа салмақ.

Мәтіннен қате тапсаңыз, бізге жазыңыз