Қазақстанның бірінші ракеткасы Германиядағы беделді турнирдің жеңімпазы атанды

Қазақстанның жұптық сындағы бірінші, әлемнің 25-ракеткасы Анна Данилина Гамбург (Германия) WTA 250 турнирінің жеңімпазы атанды. Бұл туралы Қазақстанның теннис федерациясы хабарлайды.

Турнирдің 1-ракеткасы болып тіркелген қазақстандық теннисші мен ресейлік Александра Панова финалда чехиялық Мириам Колодзиэева - америкалық Анжела Куликовамен бас жүлдені сарапқа салды.

Бірінші партияда қазақстандық-ресейлік жұп 6:4 есебімен басым түсті.

Екінші сетте де 3:1 есебімен алға кетті. Тағы бір брейк – 5:2. Содан кейін матчқа доп бергенде, мүлт кеткен жоқ – 6:2.

Осылайша, Анна Данилина мен Александра Панова Гамбург WTA 250 турнирінің жеңімпазы атанды.

Мәтіннен қате тапсаңыз, бізге жазыңыз