Қазақстандық жасөспірім теннисшілер Германияның Ульм қаласында 14 және 16 жасқа дейінгілер арасында екінші санаттағы Tennis Europe сериясы бойынша өткен Müller Junior Cup Ulm турнирінде жеңімпаз атанды. Бұл туралы Қазақстанның теннис федерациясы хабарлайды.
14 жасқа дейінгілер арасында Еркежан Жаңатаева жекелей сында үздік шықты.
Еркежан финалда германиялық Франческа Парцеллиді тізе бүктірді. Есеп. 4:6, 6:4, 6:2.
Жұптық сында Ярослав Пшеничный мен Мансұр Сайынов қарсылас шақ келтірмеді. Ал Әдия Омарбек германиялық Гудит Пламен бірге финалист атанды.
Сәтима Төреген 16 жасқа дейінгілер арасында жеңіс тұғырына көтерілді. Ол соңғы бәсекеде неміс Ида Вобкерді қапы қалдырды (6:3, 6:7 (4:7), 6:4).
Ұлдар арасында Родион Лукашов - Олжас Есенәлі финалға дейін жетті.
Мақаланың түпнұсқасы: https://kaz.nur.kz/sport/other-sports/2030761-qazaqstandyq-zasospirim-tennissiler-germaniyadagy-zarysta-uzdik-syqty/
