Қазақстандық Бейбіт Жұқаев Мексиканың Лос-Кабос қаласында өтіп жатқан ATP 250 турнирінің екінші айналымына шыға алған жоқ. Бұл туралы KAZ.NUR.KZ тілшісі хабарлайды.
Беделді турнирдің алғашқы айналымында отандық теннисші әлемнің 113-ракеткасы, Беларусь өкілі Илья Ивашкамен шеберлік байқасты.
Үш сетке жалғасқан ойында 6:3, 3:6, 6:7 есебімен Бейбіт Жұқаев қарсыласына жол берді.
Осылайша, қазақстандық теннисші Мексиканың Лос-Кабос қаласында өтіп жатқан ATP 250 турнирінің екінші айналымына шыға алған жоқ.
Айта кетейік, бұған дейін Бейбіт Жұқаевтың іріктеу сайыстарында сәтті өнер көрсетіп, Мексикадағы турнирдің финалдық кезеңіне жолдама алғанын жазған едік.
Мақаланың түпнұсқасы: https://kaz.nur.kz/sport/other-sports/2031031-beibit-zuqaev-meksikadagy-turnirdin-ekinsi-ainalymyna-syga-almady/
