18 жастағы қазақ теннисшісі Аружан Сағандықова әлемдік рейтингте бірден 87 сатыға көтерілді

Әйелдер теннис қауымдастығы (WTA) спортшылардың жеке және жұптық сындағы рейтингілерінің жаңартылған нұсқасын жариялады. Бұл туралы Қазақстан теннис федерациясының баспасөз қызметі хабарлады.

Қазақстанның үздік теннисшісі Елена Рыбакина 4-позицияда қалды.

Еске салсақ, өткен аптада Рыбакина Цинциннати (АҚШ) турнирінде өнер көрсеткен болатын. Алайда 1/8 финалда жарақатына байланысты ойынды жалғастырудан бас тартты. Юлия Путинцева бұрынғыша 79-орында тұр.

Ал 18 жастағы Аружан Сағандықованың рейтингі бара-бара жақсарып келеді. Екі апта бұрын ол 1056-позициядан тұрған еді. Өткен аптада 958-орынға көтерілсе, қазір 871-позицияда орналасқан.

Жұптық сында Анна Данилина екі позициясын жоғалтып, 28-інші болды. Ал Жібек Құламбаева 178-орында қалды.

Мәтіннен қате тапсаңыз, бізге жазыңыз