Қазақстандық спортшы Сарвиноз Миркадирова Азия ойындары алдында сұхбат беріп, олимпиадалық қалашық жайлы айтып берді, деп хабарлайды KAZ.NUR.KZ тілшісі.
Сарвиноз Миркадироваға олимипиадалық қалашық қатты ұнаған. Спортшының сөзінше, ұсынылған тағамдар да дәмді.
Қазақстандықтар ертең үстел теннисінен алғашқы ойын өткізбек. Біздің құрама қытайлықтарға қарсы шығады.
"Бұл біздің Азия ойындарына алғаш қатысуымыз. Олимпиадалық қалашық маған қатты ұнады. Біз орналасқан бөлмелер де керемет. Мен мұндайды бірінші рет көріп тұрмын. Тағамдары да өте дәмді. Азиялық та, еуропалық та тағамдар бар. Мен осы жерде болғаныма өте қуаныштымын. Маған бәрі ұнап жатыр. Ертең алғашқы ойындар болады. Біз Қытайға қарсы ойнаймыз. Олар өте мықты екенін бәрі де біледі. Бірақ барынша төтеп беруге тырысамыз. Жақсы нәтиже көрсетеміз деп сенемін", - деді Сарвиноз Миркадирова.
Айта кетейік, бұған дейін Ханчжоуда ту көтеру рәсімі кезінде Қазақстан Республикасының туы көтерілген болатын.
Оған қатысқан боксшы Сәкен Бибосынов пен регбиші Балжан Қойшыбаева шарадан алған әсерімен бөлісті.
Мақаланың түпнұсқасы: https://kaz.nur.kz/sport/other-sports/2037591-barynsa-totep-beruge-tyrysamyz-tennissi-sarvinoz-mirkadirova-olimipiadalyq-qalasyq-turaly-aitty/
