Қазақстандық мерген Азия ойындарында финалға өтті
Опубликовано:
Қазақстандық спортшы Николай Чирюкин тапаншадан жылдам ату бойынша 293-12 есе ұпаймен төртінші орын иеленіп, финалға жолдама алды, деп хабарлайды KAZ.NUR.KZ.
Отандастырымыз Руслан Юнусметов 19-шы (283-7x), Артемий Кабанов 20-шы (282-10x) болды.
Топтық жылдам тапаншадан біздің жігіттер бірінші әрекетте алтыншы (858) орыннан көрінді.
Бұл шаралардағы медальдар ертең табысталады.
Елизавета Безрукова (12-ші, 628), Александра Ли (19-шы, 626.1) 10 метрге пневматикалық винтовкадан оқ ату бойынша іріктеуден өте алмады.
Айта кетейік, кеше Ханчжоуда жазғы Азия ойындарының ашылу салтанаты өтті.
Жазғы Азия ойындары 23-қыркүйек пен 8-қазан аралығында өтеді. Спорттық додаға 45 елден 15 мыңнан астам спортшы қатысады. Олар спорттың 40 түрінен 481 медаль үшін күресетін болады.
- Азиада-2023: Қазақстандық жүзгіштер финалға жолдама алды
- Азия ойындары: дзюдошылар Әбужақынова мен Шамшадин жартылай финалға шықты
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2037863-qazaqstandyq-atqys-aziya-oiyndarynda-finalga-otti/