Бүгін стенд атудан Қазақстан командасы Азия ойындарының алтынын жеңіп алды. Чемпион атанған спортшылар қатарында 53 жастағы Ольга Панарина да бар, деп жазады Спорт және туризм министрлігіне сілтеме жасаған KAZ.NUR.KZ.
Әсем Орынбай, Зоя Кравченко және Ольга Панарина үштігі 350 ұпаймен көш бастап, Қытай құрамасын артта қалдырды.
Команданың ең егде мүшесі Ольга Панарина 53 жаста. Азиаданың чемпионы спортшы ғана емес, аяулы ана әрі асыл әже.
Панарина осы жасқа дейін саптан шықпауына не себеп болғанын айтты.
"Біріншіден, мен көп жаттығамын. Екіншіден, спортшылар қартаймайды.
Нысана көздеу - бұл менің өмірлік ісім, сондықтан оған үнемі күш табамын. Мен барлық командаластарыма алғыс айтқым келеді. Менен кеңес сұрағандарға, әрқашан көмектесуге тырысамын. Біздің ұжымымыз өте тату.
Менің ойымша. бұл жеңіс осы командалық рухтың нәтижесі. Мен бұл медалімді ата-анама арнағым келеді. Олар әрқашан менімен бірге", - деді Ольга Панарина.
Мақаланың түпнұсқасы: https://kaz.nur.kz/sport/other-sports/2038409-nemerem-bar-otandyq-sportsy-olga-panarina-53-zasynda-aziya-oiyndarynyn-altynyn-zenip-aldy/
