"Ұтылғаным намысыма тиіп тұр": у-шудан қола жүлдегер атанған қазақ қызы көз жасына ерік берді (видео)

Қытайдың Ханчжоу қаласында өтіп жатқан жазғы Азия ойындарында қазақ қызы Тұрсын Аян у-шудан қола жүлдегер атанды. Жартылай финалдан соң спортшы арнайы сұхбат берді, деп жазады KAZ.NUR.KZ.

Айта кетелік, Тұрсын Аян жартылай финалда қытайлық Юэяо Лиден жеңілген болатын.

"Ұтылып қалғаным намысыма тиіп тұр. Қарсыласым әлем чемпионы, дәрежесі жоғары екені көрініп тұр. Алдағы жарыстарда алтын алу үшін дайындалып келемін.

Мұнымен тоқтап қалмаймыз. Намысыма тиіп тұр, ұтылып қалғаным. Азия ойындары менің арманым еді. Осы жарысқа қатысып, арманым орындалғанына қуаныштымын.

Осы жарысқа қатысуға себепкер болған барша жанға, бапкерлерге алғысым шексіз. Мама, уайымдамаңыз, менде бәрі жақсы", - деді спортшы.