Бұрынғы қызметкер

Бапкер: Байдарка мен каноэде есуден командалық есепте екінші орында тұрмыз

Опубликовано:3 қазан 2023, 12:13

Қайсар Нұрмағамбетов сұхбат беруде Видеодан кадр: Instagram/qazolympic

Байдарка мен каноэде есуден Қазақстан құрамасының бас бапкері Қайсар Нұрмағамбетов жарыстан кейін пікір білдіріп, Азия ойындарын қорытындылады, деп хабарлайды KAZ.NUR.KZ.

Нұрмағамбетов жазғы Азия ойындары Қазақстан құрамасы үшін жүлделі болғанын алға тартты. Бүгінде ел құрамасы командалық есепте Қытайдан кейін екінші орында тұр. Бапкердің айтуынша, бұл жақсы жетістік.

"Нәтиже жаман емес. Бір алтын, төрт күміс, үш қоламыз бар. 12 жиынтықтың сегіз медалін алып тұрмыз. Енді алтынға жетпей қалдық. Қытай құрамасы мықты болып тұр. Олардың сапында әлем және олимпиада чемпиондары бар. Командалық есепте Қытайдан кейін екінші орында тұрмыз. Жаман нәтиже емес. Болашақта жұмыс істеуге болады. Келесі Азия ойындарына дайындаламыз. Алдымызда жастар шығып жатыр. Бровокова, Искакова, Киселева сынды қыздарымыз өсіп жатыр. Келесі жылы Жапонияда іріктеу турнирі өтеді. Соған дайындықты бастаймыз", - деді Нұрмағамбетов.

Свежая публикация по теме:

"Қасқырдай мінезін көрсетті": белгілі бапкер Қоңқабаевтың Жалоловқа қарсы жекпе-жегіне жоғары баға берді 16 қазан 2023, 11:40