Азиадада "әділетсіздікке тап болды" делінген Асланбек Шымбергенов Қазақстанда бағалы сыйлық алады
Опубликовано:
Ханчжоуда өтіп жатқан Азия ойындарында сенсациялық жеңіліске ұшыраған Асланбек Шымбергеновке Қазақстанда қолдау көрсетілмек. Бокстан Қазақстан құрамасының капитанына бағалы сыйлық тарту етіледі, деп хабарлайды KAZ.NUR.KZ.
Асланбек Шымбергенов 71 келі салмақ дәрежесінде Азия ойындарының жартылай финалында жапониялық Севон Оказаваға сенсациялық түрде жеңіліп қалды. Төрешілер 3:2 есебімен жеңісті Жапония өкіліне берді.
Төрешілердің бұл шешімі үлкен дау тудырды. Қазақстан бокс федерациясының төрағасы Кеңес Рақышев Шымбергеновке әділетсіздік жасалғанын айтып күйінді.
Барша қазақстандық әлеуметтік желіде бокс құрамасының капитанына қолдау білдіріп, аталған жекпе-жекте оның жеңімпаз болғанын жазуда.
Ханчжоуда жеңіліс тапқан боксшымызға енді өз елінде үлкен қолдау көрсетілмек. Қазақстанға оралған бойда федерация басшысы Шымбергеновке автокөлік сыйға тартады.
"Қазақстан бокс федерациясының президенті Кеңес Рақышев барлық қазақстандықтармен берге өз чемпионына қолдау көрсетеді. Елге оралған соң Асланбек Шымбергеновке ҚБФ басшысының атынан автокөлік сыйлыққа беріледі. Асланбек Шымбергенов – қазақтың нағыз батыры", - делінген бокс федерациясының ресми Instagram парақшасында.
- Алтынға таласады: Карина Ибрагимова Азия ойындарының финалына шықты
- Грек-рим күресі: ұлттық құраманың 3 балуаны Азия ойындарының қола жүлдесіне таласады
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2039497-aziadada-adiletsizdikke-usyrgan-aslanbek-symbergenov-qazaqstanda-bagaly-syilyq-alady/