Қазақстандық спортшы Жәмилә Бақбергенова Ханчжоуда өтіп жатқан жазғы Азия ойындарының финалына жолдама алды, деп хабарлайды KAZ.NUR.KZ.
Әлем чемпионатында 3 жыл қатарынан жүлде алған қазақ балуаны жартылай финалда Киранды (Үндістан) жеңді. Кездесу 4-2 есебімен аяқталды..
Жәмилә алғашқы белдесуінде Өзбекстан құрамасының көшбасшысы Светлана Окназарованы, ширек финалда моңғолиялық Ариунджаргал Ганбатты еш қиындықсыз таза жықты.
Қазақстандық спортшы енді финалда Айпері Медетқызы (Қырғызстан) немесе Хуей Чангпен (Тайбэй) күреседі.
Жәмилә Бақбергенова - сары құрлық чемпионатында үш мəрте жеңімпаз атанған тұңғыш қазақ балуаны. Қазір оның еншісінде Азия чемпионатының 5 медалі бар (3 алтын, 1 күміс, 1 қола).
Ол жуырда Белградта өткен дүниежүзі додасында 72 кг дейінгі салмақта үздік үштікті түйіндеді. 27 жастағы бозкілем шебері оның алдында Белград (2022 жыл) пен Ослодағы (2021 жылы) чемпионаттан күміс медальмен оралған.
Мақаланың түпнұсқасы: https://kaz.nur.kz/sport/other-sports/2039847-zamila-baqbergenova-aziya-oiyndarynyn-altyny-usin-kuresedi/
