Теннисші Ясмин Дюсембаева Испаниядағы турнирдің жеңімпазы атанды

Қазақстандық теннисші Ясмин Дүйсембаева Испанияның Санта Понса қаласында 12 жасқа дейінгі спортшылар арасында екінші санаттағы "Tennis Europe" сериясы бойынша өткен турнирдің чемпионы атанды, деп хабарлайды KAZ.NUR.KZ теннис федерациясына сілтеме жасап.

Ясмин Дюсембаева финалда Болгария өкілі Майя Михованы 7:5, 6:2 есебімен жеңді.

Ұлдар арасында тағы бір қазақстандық Ахмади Маханов финалға дейін жетіп, корт иесі Томас Мартинге жол берді – 1:6, 1:6.

Есесіне Ахмади жұптық сында Балқан Нұрдәулетпен бірге соңғы бәсекеде словакиялық Леонард Нипц – украиналық Егор Романютты 6:1, 6:2 есебімен ұтып, жеңімпаздар қатарына қосылды.

Әдемі Әлсейпулова нидерландтық Пиппа Фенниспен бірге финалда испаниялықтар Пелас – Бельтранға есе жіберді – 3:6, 4:6.

Мәтіннен қате тапсаңыз, бізге жазыңыз