"Қарға көміліп қалған": таудан құлап кеткен ресейлік альпинист әйелдің денесіне жету мүмкін болмады

Гималай шыңдарының бірін бағындырмақ болған ресейлік альпинист Надежда Оленеваның денесі қар астында қалды. Бұл турал ТАСС агенттігі хабарлады, деп жазады KAZ.NUR.KZ.

Естеріңізде болса, Оленеваның сегіз мың метрлік шыңдардың бірін бағындырмақ болған кезде құлап кеткені анықталды.

Кейін құтқарушылар құлаған альпинистің денесін биіктен көргенімен, ауа райының қолайсыздығына байланысты тікұшақпен жету мүмкін болмаған.

Ал кеше Надежда Оленеваның денесін қар көшкіні жауып қалғаны белгілі болды.

"Ресейлік альпинистің денесу жатқан аумақты тағы да тікұшақпен қарадық. Өкінішке қарай, қар көшкіні жүріп, денесін басып қалған. Қардың қалыңдығы сонша, құтқарушылардың марқұмның денесін алып шығуына мүмкіндік жоқ", - деді ресейлік елшіліктің баспасөз қызметкері Александр Ивашёв.

Мәтіннен қате тапсаңыз, бізге жазыңыз