Теннисші Александр Бублик Бельгиядағы турнирдің ширек финалына өтті

Қазақстанның бірінші, әлемнің 36-ракеткасы Александр Бублик Антверпен (Белгия) ATP 250 турнирінің ширек финалына шықты, деп хабарлайды KAZ.NUR.KZ теннис федерациясына сілтеме жасап.

Жарыстың үшінші ракеткасы болып тіркеліп, екінші айналымнан бастаған қазақстандық теннисші алғашқы кездесуін дүниежүзілік рейтингіде 72-орында тұрған франциялық Грегуар Баррерге қарсы өткізді.

Бублик қарсыласынан 6:4, 6:2 есебімен басым түсті. Бәсеке барысында қазақстандық 11 эйс жасап, 3 брейк-пойнтты түгел пайдаланды. Матч 1 сағат 7 минутқа созылды.

Александр Бублик жартылай финалға шығу үшін рейтингіде 226-сатыдағы тағы бір франциялық, 20 жастағы Джованни Мпетчи Перрикармен кездеседі.

Мәтіннен қате тапсаңыз, бізге жазыңыз