Теннисші Андрей Голубев Швециядағы жарыстың жартылай финалына шықты

Қазақстандық теннисші Андрей Голубев жұптық сында Стокгольм (Швеция) ATP 250 турнирінің жартылай финалына жолдама алды, деп хабарлайды KAZ.NUR.KZ теннис федерациясына сілтеме жасап.

Отандасымыз украиналық Денис Молчановпен бірге ширек финалда португалиялық Франсишку Кабраль – ұлыбританиялық Анри Паттенмен бақ сынасты.

Бірінші партияда тай-брейкте Голубев пен Молчановтың мерейі үстем болды – 7:6 (7:4). Екіншісінде португалиялық-ұлыбританиялық дуэт есе қайырды – 7:6 (7:3). Супер тай-брейкте Голубев – Молчанов жеңісті жұлып алды – 10:8.

Қазақстандық-украиналық жұп 7 брейк-пойнттың екеуін пайдалана алды. Тартысты кездесу екі сағат сегіз минутқа созылды.

Андрей Голубев – Денис Молчановтың жартылай финалдағы қарсыластары кейін анықталады.

Мәтіннен қате тапсаңыз, бізге жазыңыз