Top.Mail.Ru
Спорт

Сайт нұсқасы

ru kz

Зектілері

"Дайындық бағдарламасы жоқ": Азиададан кейін Маржықпаев федерация басшыларына ескерту жасады

Опубликовано:

Ермек Маржықпаев жиналыста
Ермек Маржықпаев жиналыста. Фото: Туризм және спорт министрлігі

Мемлекет басшысының тапсырмасына сәйкес Туризм және спорт министрлі Ермек Маржықпаев өткен Азия ойындарының қорытындысы бойынша спорт түрлерінен федерациялардың есебін тыңдауға кірісті, деп хабарлайды KAZ.NUR.KZ ведомствоның ресми сайтына сілтеме жасап.

Жиын барысында ең алдымен грек-рим, еркін және әйелдер күресі федерациясының өкілдері есеп берді. Спорт функционерлері палуандардың көрсеткен өнері туралы, сондай-ақ орын алған жағдайды баяндады. Есеп беру жиынына грек-рим күресінен бас жаттықтырушы Юрий Мельниченко қатыспады.

Туризм және спорт министрі федерация басшылығына осы мәселе бойынша ескерту жасап, спортшыларымыздың нашар өнер көрсеткенін атап өтті. Ол спортшылардың әлсіз функционалды және физикалық дайындығына ерекше тоқталды.

"Бірінші кезеңде күреседі, ал екінші кезеңде демігіп қалады. Жеке дайындық бағдарламасы жоқ. 2024 жылғы Париж олимпиадасында медальға ілігеді деген спортшылардың тізімін құрып, оларға толыққанды жағдай жасау қажет", - деп атап өтті Ермек Маржықпаев.

Азия ойындарына қатысты есеп беру жиыны
Азия ойындарына қатысты есеп беру жиыны. Фото: Туризм және спорт министрлігі

Палуандардан кейін су спорты федерациясының өкілдері есеп берді. Су добынан еліміздің әйелдер құрама командасы қола медальді еншілеп, алға қойған  жоспарды орындап шықты. Ерлер құрамасы – Азия ойындарының бірнеше дүркін чемпиондары бола тұра финалға өте алмады. Олар да қола жүлдені місе тұтты. Нәтижесінде 3-орын ватерполшыларымызды алдағы Олимпиадаға берілетін лицензиядан шеттетті.

Бас бапкер Дамир Темірханов Ханчжоу олимпиадасынан бір жыл бұрын команда жартылай жаңартылғанын атап өтті.

"Көптеген негізгі ойыншылар жасы келгендіктен ұлттық құрамадан тыс қалды, жастар келді, сол себепті ішкі ара ойын өрнегі бұзылды", - деді ол.

Азия ойындарына қатысты есеп беру жиыны
Азия ойындарына қатысты есеп беру жиыны. Фото: Туризм және спорт министрлігі

Енді ұлттық құрамамыз алдағы әлем чемпионатында Парижге берілетін тағы бір мүмкіндік үшін сынға түседі.

Министр суда жүзушілер есебіне қанағаттанарлық баға берді. Азиадада 2 медаль алу жоспары орындалды. Ұлттық құраманың бас бапкері Илья Гусаков алдағы маусымға арналған бағдарламасын ортаға салып, жоспарымен бөлісті. Ол команда мүшелерінің орташа жасы 16-17 жас екенін және оларға үлкен үміт артатынын атап өтті.

Мақаланың түпнұсқасы: https://kaz.nur.kz/sport/other-sports/2041905-daiyndyq-bagdarlamasy-zoq-aziadadan-keiin-marzyqpaev-federaciya-bassylaryna-eskertu-zasady/