IV Азия пара ойындарының кезекті жарыс күнінде Нұрдәулет Жұмағали жүзуден үздік нәтиже көрсетіп, алтын медаль иегері атанды, деп хабарлайды KAZ.NUR.KZ Туризм және спорт министрлігінің ресми сайтына сілтеме жасап.
Қазақстандық спортшы 200 метр қашықтыққа жүзуден үздік нәтиже (2:16:74) көрсетіп, Азия пара ойындарының рекордын жаңартты.
"Нұрдәулетті осы жетістігімен құттықтаймын. Бүгін біздің чемпионымызға тең келетін ешкім болған жоқ. Оған еліміздің туы астында жеңіс жолын жалғастырып, отандастарын жарқын жеңістерімен қуантуын тілеймін!", - деді Туризм және спорт министрі Ермек Маржықпаев.
Естеріңізге сала кетейік, бұған дейін Ханчжоуда өтіп жатқан Паразиада ойындарының аясында Қазақстаннан келген спортшылар пара дзюдодан бірінші, екінші орын иеленген болатын.
Мақаланың түпнұсқасы: https://kaz.nur.kz/sport/other-sports/2042854-cempionymyzga-ten-keletin-eskim-bolmady-el-qorzyny-tagy-bir-altynmen-tolyqty/
