Шорт-тректен Қазақстан ұлттық құрамасы әлем кубогы кезеңінде қола жүлде иеленді, деп хабарлайды KAZ.NUR.KZ Ұлттық олимпиадалық комитетке сілтеме жасап.
Монреаль қаласында шорт-тректен өткен әлем кубогының екінші кезеңінде Қазақстанның ерлер құрамасы 5000 метр қашықтықты 7:05, 352 уақыт көрсеткішімен еңсеріп, мәреге үшінші болып жетті.
Бұл жарыста 14 елден 168 қатысушы сынға түскен болатын.
Алтын жүлде Қытай құрамасына бұйырса, күмісті Канада спортшылары еншіледі. Ал үздік үштікті Қазақстан командасы түйіндеді.
Аталмыш бәсекеде еліміздің намысын Денис Никиша, Еркебұлан Шамұханов, Әділ Ғалиахметов, Мерсаид Жақсыбаев қорғады. Бұл ұлттық команданың жаңа маусымдағы алғашқы медалі.
Мақаланың түпнұсқасы: https://kaz.nur.kz/sport/other-sports/2043198-qazaqstandyq-sorttreksiler-alem-kubogynda-uzdik-ustikke-endi/
