Азия чемпионаты: Қазақстан құрамасының қоржынына алғашқы алтын жүлде түсті

Жастар мен жасөспірімдер арасында Азия чемпионатының финалдық кездесулері қыздар арасындағы жекпе-жекпен басталды. Ел қоржыны алғашқы алтын жүлдемен толысты, деп хабарлайды KAZ.NUR.KZ.

Астана қаласында өтіп жатқан Азия чепионатының жасөспірімдер санатында жұдырықтасатын Аяжан Сыдық 54 келідегі финалдық кездесуде өзбекстандық қарсыласы Зухро Рустамованы жеңді.

Төрешілердің берген бағасы 5:0. Осылайша Аяжан Сыдық ұлттық құрама қоржынына алғашқы алтын медаль алып келді.

Еске салайық, финалдық кездесулер тізбегін алғаш болып 48 келіде бақ сынаған боксшы қыз Айым Танкибаева Өзбекстан өкілімен жұдырықтасып, қарсыласына есе жіберген еді.

Мәтіннен қате тапсаңыз, бізге жазыңыз