Жібек Құламбаева Тунистегі жарыстың жеңімпазы атанды

Қазақстандық теннисші Жібек Құламбаева жұптық сында Монастир (Тунис) ITF W25 турнирінің жеңімпазы атанды, деп хабарлайды KAZ.NUR.KZ теннис федерациясына сілтеме жасап.

Отандасымыз қытайлық Гао Синьюймен бірге финалда Алена Фалей (Беларусь) – Полина Яценкомен (Ресей) шеберлік байқасты. Бірінші партияда қазақстандық-қытайлық дуэт қарсыластарына гейм берген жоқ – 6:0.

Екінші сетте белоруссиялық-ресейлік жұп есе қайтара алды – 6:2.

Ал супер тай-брейкте Құламбаева мен Синьюй жеңісті жұлып алды – 10:7. Жібек жұптық сында кезекті титулына қол жеткізді.

Мәтіннен қате тапсаңыз, бізге жазыңыз