Бейбіт Жұқаев 18 эйс жасап, АҚШ-тағы жарыстың финалына шықты

Қазақстандық теннисші Бейбіт Жукаев Шарлотсвилл (АҚШ) челленджер турнирінің финалына шықты, деп хабарлайды KAZ.NUR.KZ теннис федерациясына сілтеме жасап.

Ақтау теннис мектебінің түлегі жартылай финалда дүниежүзілік рейтингте 254-орында тұрған америкалық Патрик Кипсонмен шеберлік байқасты.

Жукаев матч басталысымен-ақ бірден брейк жасап, 2:0 есебімен алға кетті. Сол басымдықты уысынан шығарған жоқ – 6:4.

Екінші сетте Бейбіт тай-брейкте жеңісті жұлып алды – 7:6 (7:4).

Бейбіт соңғы бәсекеде қос америкалық, әлемнің 376-ракеткасы Айдан Mayo немесе рейтингте 458-сатыдағы Итан Куиннің біреуімен бас жүлдені сарапқа салады.

Мәтіннен қате тапсаңыз, бізге жазыңыз