АҚШ-тың Даллас қаласында ушудан 16 рет өткізіліп жатқан Әлем чемпионаты мәресіне жетті. Санда түрінен Қазақстан ұлттық құрама спортшылары 4 медаль жеңіп алды, деп хабарлайды KAZ.NUR.KZ Спорт дамыту дирекциясының Instagram-дағы ресми парақшасына сілтеме жасап.
Бүгін, 21 қарашада АҚШ-тың Даллас қаласында ушу спортынан 16 рет ұйымдастырылып жатқан Әлем чемпионаты аяқталды. Оның ішінде санда жекпе-жек түрінен ұлттық құрама спортшылары жалпы есепте 4 жүлдеге қол жеткізді.
- +90 келіде Нұрсұлтан Тұрсынқұлов (күміс медаль);
- 75 келіде Ақниет Марат (қола медаль);
- 65 келіде Бексұлтан Коскенов (қола медаль);
- 56 келіде Ислам Каримов (қола медаль).
2023 жылғы Әлем біріншілігіне 80 мемлекеттен 800-ге жуық жекпе-жек шебері жиналды. Қазақстан ұлттық құрамасы жалпы есепте 16-сатыға тұрақтады.
Айта кетейік, осыған дейінгі Әлем чемпионаты 2019 жылы Шанхай қаласында өткен еді. Сол жарыста ұлттық құрама спортшысы Ислам Каримов (52 кг) қола жүлде жеңіп алған.
Мақаланың түпнұсқасы: https://kaz.nur.kz/sport/other-sports/2046871-qazaqstandyq-zekpe-zek-seberleri-alem-cempionatyn-satti-ayaqtady/
