Түркістан облысы, Төлеби ауданындағы "Алма-Тау" сауықтыру кешенінде бадминтоннан халықаралық Apacs Kazakhstan International Series-2023 іріктеу турнирі басталды. Бұл туралы KAZ.NUR.KZ Ұлттық олимпиадалық комитеттің Instagram-дағы ресми парақшасына сілтеме жасап хабарлайды.
Қазақстанда бадминтон спортынан халықаралық Apacs Kazakhstan International Series-2023 іріктеу турнирі басталды. Жарысқа Канада, Кипр, Индонезия, Үндістан, Израиль, Қазақстан, Малайзия, Мьянма (Бирма), Филиппин, Шри-Ланка, Шығыс Тимор, БАӘ, Өзбекстан, Замбия елдерінен 80-нен астам спортшы бақ сынауда.
Халықаралық турнирге Қазақстан құрамасы сапынан Дмитрий Панарин, Артур Ниязов, Хайтмұрат Кульматов, Айша Жұмабек, Камила Смағұлова, Махсұт Таджибуллаев сияқты ел чемпиондары бастаған спортшылар қатысып жатыр.
Айта кетейік, турнир 4 күнге созылады және 10 желтоқсан аяқталады деп жоспарланып отыр. Спортшылар 2024 жылы өтетін Париж Олимпиадасына жолдама алуға мүмкіндік беретін рейтингтік ұпай қорын көбейту үшін сынға түседі.
Мақаланың түпнұсқасы: https://kaz.nur.kz/sport/other-sports/2049674-qazaqstanda-badminton-sportynan-xalyqaralyq-turnir-bastaldy/
