Қазақстандық мәнерлеп сырғанаушы әлем біріншілігінде күміс медаль жеңіп алды
Жарияланған күні:
Қазақстандық спортшы Михаил Шайдоров Golden Spin of Zagreb-2023 жарысында күміс жүлде жеңіп алды. Бұл туралы KAZ.NUR.KZ Спортты дамыту дирекциясының Instagram-дағы ресми парақшасына сілтеме жасап хабарлайды.
Мәнерлеп сырғанаудан Ұлттық құрама көшбасшысы Михаил Шайдоров Хорватияның Сисак қаласында өткен Golden Spin of Zagreb-2023 додасында күміс жүлдеге ие болды. Ол қос жаттығудың нәтижесінде 235.29 ұпай жинады. Алтын жүлде қытайлық спортшы Цзинь Боянның (258.67 ұпай) еншісінде. Қола медаль эстониялық Александр Селевкоға (224.24 ұпай) бұйырды.
Айта кетейік, бұл жарысқа барлығы 29 мемлекеттен 96 атлет жиналды. Михаил Шайдоров осыған дейін мәнерлеп сырғанаудан Қытайда өткен Гран-При жарысының қола жүлдегері атанған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2049844-qazaqstandyq-manerlep-syrganausy-alem-birinsiliginde-kumis-medal-zenip-aldy/