Қазақстан ауыр атлетика құрамасының бұрынғы мүшесі Зүлфия Чиншанло антидопингтік ережені бұзғаны үшін сегіз жылға спорттан шеттетілді. Бұл туралы KAZ.NUR.KZ sportarena сайтына сілтеме жасап хабарлайды.
Зүлфия Чиншанло Халықаралық ауыр атлетика федерациясы мен допинг мәселесіне жауапты WADA қауымдастығының шешімі бойынша спорттан сегіз жылға шеттетілді. Себебі атлет 2022 жылғы Азия чемпионатында тыйым салынған зат қабылдады деседі.
Бұл спортшының екінші мәрте ереже бұзуы. Осыған дейін допинг қолданғаны үшін 2012 жылғы Олимпиадада алған алтынынан айырылып, спорттан екі жылға шеттетілген еді.
Сол мәселеден кейін ауыр атлетикаға оралған Зүлфия 2020 жылы Олимпиадада жүлдегер атанып, Азия чемпионатында топ жарған еді. Ал енді тағы да допингпен ұсталып, спорттан шеттетілді.
Мақаланың түпнұсқасы: https://kaz.nur.kz/sport/other-sports/2052102-qazaqstandyq-auyr-atlet-segiz-zylga-sporttan-settetildi/
