Азия ойындарының күміс жүлдегері Галина Дувановаға пәтер сыйға берілді

Астана қаласының үздік спортшыларын марапаттау рәсімінде джиу-джитсудан Азия ойындарының күміс жүлдегері Галина Дувановаға бір бөлмелі пәтер сыйланды. Бұл туралы KAZ.NUR.KZ тілшісі Қазақстан Джиу-джитсу Ассоциацияның Instagram-дағы ресми парақшасына сілтеме жасап хабарлайды.

Спорттық форумның шешімімен Астана қаласында Азия Ойындарының күміс жүлдегері Галина Дувановаға бір бөлмелі пәтер сыйланды. Сыйлықты Қазақстан спортшылар қауымдастығының төрағасы Азамат Қарлығашев табыстады. Пәтер сыйлау жеке тұлғаның демеушілігімен қаржыландырылды.

Галина Дуванова 2023 жылы айтарлықтай жетістіктерге қол жеткізді. Азия Ойындарында 57 келіге дейінгі салмақта өнер көрсетіп, күміс жүлдеге ие болды. Галина үшін бұл екінші Азиада. Ол Джакартадағы бәсекеде 9 орынды еншіледі. 24 жастағы Дуванова былтыр АҚШ-тың Бирмингем қаласында өткен дүниежүзілік ойындарда күміс жүлдегер атанған.

Мәтіннен қате тапсаңыз, бізге жазыңыз