Қазақстандық теннисші Елена Рыбакина Аустралияда өтіп жатқан WTA 500 Brisbane International турнирінің ширек финалына шықты. Бұл туралы KAZ.NUR.KZ тілшісі хабарлайды.
Турнирдің 1/8 финалында Рыбакина әлемнің 30-ракеткасы, бельгиялық Элизе Мертенспен ойнады. Бірінші партияда қазақстандық теннисші қос брейк жасап, 6:1 есебімен басым түссе, екінші партияда қарсыласын 6:0 есебімен жеңді. Матч 58 минутқа созылды.
Енді Елена Рыбакина жартылай финалға шығу үшін ресейліктер Вероника Кудерметовамен (№16) немесе Анастасия Потаповамен (№28) кездеседі.
Бұған дейін Елена Рыбакина жаңа маусымдағы алғашқы матчында жеңіске жеткенін жазғанбыз. Ол аустралиялық теннисші Оливия Гадекиді 2:0 (6:4, 6:1) есебімен жеңді. Бір сағат 12 минутқа созылған кездесуде Рыбакина 4 эйс жасап, 5 брейк-пойнттың үшеуін пайдаланды.
Айта кетейік, WTA 500 турнирінің жалпы жүлде қоры 1,7 млн АҚШ долларынан асады.
Мақаланың түпнұсқасы: https://kaz.nur.kz/sport/other-sports/2053915-elena-rybakina-wta-500-turnirinin-sirek-finalyna-syqty/
