Александр Бублик ATP 250 турнирінің ширек финалына өтті

Қазақстандық теннисші Александр Бублик Аделаиде (Аустралия) ATP 250 турнирінің ширек финалына шықты. Бұл туралы KAZ.NUR.KZ Қазақстан теннис федерациясының ресми сайтына сілтеме жасап хабарлайды.

ATP 250 турнирінің 8-ракеткасы болып тіркелген Александр Бублик екінші айналымда әлемнің 40-ракеткасы ұлыбританиялық Дэниел Эванспен кездесті.

Бірінші партияда Эванс басымдық танытты (6:4). Ал екінші сетте Бублик алға шықты (6:2). Cоңғы партияда қазақстандық теннисші қарсыласын айқын басымдықпен ұтты (6:1).

Екі сағатқа созылған бәсекеде Бублик 21 эйс жасап, 7 брейк-пойнттың бесеуін пайдаланды. 

Енді Александр Бублик жартылай финалға шығу үшін әлемнің 25-ракеткасы, италиялық Лоренцо Музеттиге қарсы ойнайды.

Қазақстандық теннисшілерден Александр Недовесов те АТР-250 турнирінің ширек финалына өтті. Ол эквадорлық Гонсало Эскобармен бірге екінші айналымда жарыстың 7-ракеткалары, ұлыбританиялық Ллойд Глaсспул – нидерландылық Жан-Жюльен Ройермен кездесті. Қазақстандық-эквадорлық дуэт 6:4, 6:4 есебімен жеңіске жетті.

Мәтіннен қате тапсаңыз, бізге жазыңыз