Елена Рыбакина ресейлік теннисшіден жеңіліп, халықаралық турнирдің жартылай финалына шыға алмай қалды

Қазақстаннның бірінші ракеткасы Елена Рыбакина Аделаиде (Аустралия) WTA 500 турнирінің жартылай финалына өте алмады. Бұл туралы KAZ.NUR.KZ тілшісі хабарлайды.

Рыбакина Аделаиде (Аустралия) турнирінің ширек финалында әлемнің 21-ракеткасы, ресейлік теннисші Екатерина Александроваға қарсы ойнады. Алғашқы партияда Елена 3:6 есебімен есе жіберді. Екінші сетте де ол қарсыласынан басым түсе алмады (3:6). Осылайша қазақстандық теннисші Аделаиде турнирін аяқтады.

Рыбакина аталмыш жарысты 1/8 финалдан бастаған еді. Елена өткен ойында дүниежүзілік рейтингте 61-орында тұрған испаниялық теннисші Кристина Бучамен кездесіп, 6:3, 7:5 есебімен жеңген еді.

Енді Елена Australian Open турниріне қатысады. Оның алғашқы қарсыласы – әлемнің 37-ракеткасы, чехиялық Каролина Плишкова.

Мәтіннен қате тапсаңыз, бізге жазыңыз