Қазақстандық теннисші Australian Open турнирінің үшінші айналымына өтті

16 жастағы қазақстандық теннисші Әмір Омарханов жасөспірімдер арасындағы Australian Open турнирінің үшінші айналымына өтті. Бұл туралы KAZ.NUR.KZ тілшісі хабарлайды.

Жарыстың екінші айналымында Әмір Омарханов ұлыбританиялық теннисші Виктор Фридрихпен кездесті. Алғашқы сетте Фридрих басымдық танытты (3:6). Бірақ екінші партияда қазақстандық теннисші тай-брейкте есе қайтарды – 7:6 (8:6). Ал шешуші сетте Әмір қарсыласына дес бермей, 6:3 есебімен жеңіске жетті.

Енді қазақстандық теннисші Оңтүстік Корея өкілі Чжун Джун Киммен шеберлік байқасады.

Осыған дейін Әмір Омарханов жасөспірімдер арасында әлемнің төртінші, жарыстың бірінші ракеткасы италиялық теннисші Федерико Синаны 6:0; 6:3; 6:3 есебімен ұтып, сенсация жасаған еді.

Әмір Омарханов — Қарағанды теннис мектебінің түлегі. Ол қазір жасөспірімдер арасындағы әлемдік рейтингте 26-орында тұр.

Мәтіннен қате тапсаңыз, бізге жазыңыз