Australian Open турнирінің финалына шыққан теннисшілер кім
Опубликовано:
Теннистен Аустралия ашық чемпионатының әйелдер арасында жекелей сынының финалында Беларусь өкілі Арина Соболенко мен қытайлық теннисші Чжэн Циньвэнь кездеседі. Бұл туралы KAZ.NUR.KZ Australian Open турнирінің ресми сайтына cілтеме жасап хабарлайды.
Арина Соболенко жартылай финалда әлемнің 4-ракеткасы, АҚШ өкілі Коко Гауффты 7:6 (7:2), 6:4 есебімен жеңіп, финалға жолдама алды. Осылайша Соболенко қатарынан екінші жыл ақтық мәреге шығып отыр. Өткен жылы финалда қазақстандық теннисші Елена Рыбакинаны ұтып, Australian Open турнирінің жеңімпазы атанған еді.
Арина Соболенко әйелдер теннисі қауымдастығының (WTA) рейтингінде 2-орында тұр.
Australian Open турнирінің екінші финалисі — қытайлық теннисші Чжэн Циньвэнь. Ол жартылай финалда әлемдік рейтингте 93-орында тұрған Украина өкілі Даяна Ястремскаядан басым түсті (6:4, 6:4). Кездесу 1 сағат 43 минутқа созылды. Осылайша Чжэн Циньвэнь алғаш рет Аustralian Open жарысының финалына жолдама алды. Қазір қытайлық теннисші WTA рейтингінде 15-орында тұр.
Айта кетейік, Аустралия ашық чемпионатының әйелдер арасында жекелей сынының финалы 28 қаңтарда өтеді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2057641-australian-open-turnirinin-finalyna-syqqan-tennissiler-kim/