Тарихи жеңіс: қазақстандық спортшылар синхронды жүзуден алғаш рет әлем чемпионы атанды

Катар астанасы Дохада өтіп жатқан су спорты түрлерінен әлем чемпионатында Қазақстан тарихи алтын медаль жеңіп алды, деп жазады Olympic.kz. 

Синхронды жүзуден аралас жұптық сында өнер көрсеткен Эдуард Ким мен Наргиза Болатова әлем чемпионы атанды. Олар 228.0050 ұпай жинаған.

Ал күміс медальді Қытай құрамасы, қоланы Мексика командасы жеңіп алған. 

Айта кетейік, Қазақстан тарихында су спорты түрлерінен әлем чемпионатының алтын медалі болмаған. Бұған дейін Эдуард Ким жекелей сында қола жүлде жеңіп алған еді. 

Мәтіннен қате тапсаңыз, бізге жазыңыз