Top.Mail.Ru
Спорт

Сайт нұсқасы

ru kz

Зектілері

"Тілім байланып қалды": қазақстандық файтер суға батқан баланың өмірін сақтап қалғанын айтты

Опубликовано:

Жасұлан Әкімжан
Жасұлан Әкімжан. Фото:: youtube.com/@NAIZATV

Қазақстандық аралас жекпе-жек шебері Жасұлан Әкімжан бассейнге батып кеткен кішкентай баланы өлім аузынан алып қалған. Бұл туралы KAZ.NUR.KZ Naiza лигасының Youtube желісіндегі ресми арнасына сілтеме жасап хабарлайды.

Жасұлан Әкімжанның айтуынша, оқиға Алматыдағы моншалардың бірінде болған.

"Салмақ қуып жүрген кезім. Осыдан 2 жыл бұрын-ау деймін. Бір күні жаттығу залындағы жігіттермен моншаға бардым. Бірнеше мәрте буға кіргеннен кейін жүрегім қысылып кетті де бірден атып шықтым. Салмақ қуып жүргенде бассейнге түспеу керек қой, сондықтан бассейнге мүлде жоламағанмын. Бірақ сол кезде будан шыққан соң бірден бассейнге бардым. Астына қарасам бұрышта кішкентай бала жатыр екен. Шошып кеттім. Айналамда ешкім жоқ. Әлгі бала қимылдамай жатыр. Ойнап жатқан болар дедім.

Сосын бірден суға түстім де баланы алып шықтым. Түрі көгеріп, қарны ісіп кеткен. Көмекке шақырайын десем тілім байланып қалған. Кейін арқасынан ұстап, ішінен баса бердім. Бір кезде айғайлап көмекке шақыра бастадым. Сол кезде біреу жүгіріп келді. Екеуіміз екі жақтап баланы аман алып қалдық. Баланың әкесі үстіндегі барда отырыпты", – деді қазақстандық файтер.

Айта кетейік, Жасұлан Әкімжан соңғы рет 2023 жылы желтоқсанда жекпе-жекке шығып, Франция өкілі Джейсон Понеден жеңіліп қалған еді.

Мақаланың түпнұсқасы: https://kaz.nur.kz/sport/other-sports/2060735-tilim-bailanyp-qaldy-qazaqstandyq-faiter-suga-batqan-balanyn-omirin-saqtap-qalganyn-aitty/