UFC-дің жаңа чемпионы "Реал Мадрид" – "Севилья" матчының ашылу рәсіміне қатысты (видео)

Футболдан Испания чемпионатының 26-туры аясында өткен ойынның ашылу рәсіміне UFC-дің жаңа чемпионы Илия Топурия қатысты. Бұл туралы KAZ.NUR.KZ тілшісі хабарлайды.

Ла Лиганың 26-туры аясында "Реал Мадрид" футбол клубы өз алаңында "Севилья" ұжымын қабылдады. Тартысты кездесу 1:0 есебімен (Модрич) алаң иелерінің пайдасына шешілді.

Ал матчтың басында UFC промоушенінің жартылай жеңіл салмақ дәрежесінің жаңа чемпионы, испаниялық файтер Илия Топурия (15-0) алаңға шығып, ойынның шымылдығын ашты.

Еске салайық,, UFC 298 турнирінде Алексндр Волконвски (26-4) мен испаниялық файтер Илия Топурия (15-0) жартылай жеңіл салмақтағы чемпиондық белбеуді сарапқа салған еді. Топурия кездесудің екінші раундында қарсыласын нокаутқа түсіріп, UFC чемпионы атанды.

Мәтіннен қате тапсаңыз, бізге жазыңыз