Қазақстандық баскетболшылар Катар құрамасынан айласын асырды
Опубликовано:
Баскетболдан Қазақстан ерлер құрамасы 2025 жылғы Азия Кубогының іріктеу кезеңінде Катар командасымен кездесті. Бұл туралы KAZ.NUR.KZ Cпортты дамыту дирекциясының Instagram-дағы ресми парақшасына сілтеме жасап хабарлайды.
Ойын 68:73 (12:19, 25:14, 13:15, 18:25) есебімен қазақстандық баскетболшылардың пайдасына шешілді. Бұл жеңістің арқасында Қазақстан Иранмен бірге "Е" тобында көш бастады. Екі құрамада да 4 ұпайдан бар.
Бірнеше күн бұрын Қазақстан құрамасы өз алаңында Үндістанды 63:50 есебімен жеңген еді. Енді ұлттық құрама келесі ойынын 22 қараша күні сырт алаңда "E" тобының фавориті, Азия кубогының 3 дүркін чемпионы Иранға қарсы өткізеді.
Айта кетейік, Қазақстанның ерлер құрамасы 2013 жылдан бері Азия кубогының финалдық кезеңінде өнер көрсетіп келеді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2063270-qazaqstandyq-basketbolsylar-katar-quramasynan-ailasyn-asyrdy/