"Оны көргендеріне таңғалып жатыр": Шавкат Рахмонов Қытайда жанкүйерлерімен кездесті (видео)
Опубликовано:
Қазақстандық аралас жекпе-жек шебері Шавкат Рахмонов Қытайға сапары кезінде жанкүйерлерімен кездесті. Бұл туралы KAZ.NUR.KZ хабарлайды.
Туризм және спорт министрлігі баспасөз қызметінің мәліметінше, 28 және 29 наурызда Бейжіңде Қытайдағы Қазақстан туризмі жылының ашылуы өтеді. Бұл шараға Қазақстан делегациясымен бірге Шавкат Рахмонов та барған.
"Қазақ елінің жауынгері және біздің командамыздың мүшесі Шавкат Рахмоновты жанкүйерлері Қытайда бірден танып, естелікке қолтаңбасын алып суретке түсті. Олар Қытай елінде Шавкатты көргендеріне таңғалып жатыр", - деп жазды Dar Pro Team командасы Instagram-дағы парақшасында.
Сондай-ақ қытайлық файтер Ли Дзи Лян Шавкат Рахмоновты және Dar Pro Team командаcының директоры Бауыржан Уталиевті құрметпен қарсы алып, қонақжайлық көрсеткен. Ли Дзи Лян UFC лигасында Шавкат Рахмоновтың салмағында өнер көрсетеді және Кил Клиф залында қазақстандық файтермен бірге жаттығады.
Айта кетейік, Шавкаттан бөлек Қытайға Лондон Олимпиадасының чемпионы Серік Сәпиев пен Бейжің Олимпиадасының қола жүлдегері Қанат Ислам да барған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2074521-ony-korgenderine-tangalyp-zatyr-savkat-raxmonov-qytaida-zankuierlerimen-kezdesti-video/