Ақтауда аралас жекпе-жектен өткен Nomad MMA облыстық чемпионатында 17 жастағы спортшы көз жұмды. Бұл туралы Маңғыстау облысының Nomad MMA федерациясының президенті Мыңбай Ізмұханов Instagram парақшасында жазды, деп хабарлайды KAZ.NUR.KZ.
Облыстық чемпионат 30-31 наурыз аралығында Nomad MMA бойынша балалар, жасөспірімдер, жастар және ересектер арасында Ақтаудағы "Батыр" спорт кешенінде өткен. Бұл жарысқа 300-ге жуық спортшы қатысқан.
"Жекпе-жек кезінде 17 жастағы спортшы К. құлап қалды. Спортшыға алғашқы көмекті "Батыр" спорт кешенінің медициналық қызметкерлері көрсетті, оқиға орнына жедел жәрдем келді, бірақ, өкінішке орай, жас жігітті құтқара алмады. Турнир басталмас бұрын жаттықтырушы өтінім берген кезде қатысушының жарысқа дайындығын растайтын медициналық анықтама берді. Апаттың ащы нәтижесі бәріміз үшін тосын жағдай болды. Қазіргі уақытта тергеу жүріп жатыр, оның шеңберінде құзыретті органдар болған оқиғаның барлық мән-жайын зерттеп жатыр. Біз жақын жандарына қайғырып көңіл айтамыз", – деп жазды Маңғыстау облысының Nomad MMA федерациясының президенті Мыңбай Ізмұханов.
Nomad MMA – қазақстандық аралас жекпе-жек стиліндегі спорт түрі, онда жауынгерлер қолдарымен және аяқтарымен соққы техникасын, сондай-ақ күрес техникасын пайдалана отырып толық байланыста жұдырықтасады.
Мақаланың түпнұсқасы: https://kaz.nur.kz/sport/other-sports/2076687-aqtauda-17-zastagy-sportsy-qaitys-boldy/
