Португалиялық футболшы Криштиану Роналду матч кезінде жанжал шығарып, алаңнан қуылды. Бұл туралы KAZ.NUR.KZ тілшісі хабарлайды.
Бүгін, 9 сәуірде Сауд Арабия Суперкубогының жартылай финалдық кезеңінде "Әл-Наср" мен "Әл-Хиляль" футбол клубтары кездесті. Нәтижесінде Роналду өнер көрсететін "Әл-Наср" 2:1 есебімен жеңіліп, жарыс жолын аяқтады.
Ойынның 86-минутында Роналду қарсыласымен алаңнын сыртына шығып кеткен допқа таласып, оны шынтағымен итеріп жіберді. Ойынның бас төрешісі Аль-Хоаиш португалиялықтың осы әрекеті үшін бірден қызыл қағаз көрсетті. Ал Криштиану ашуға булығып, оған да жұдырық ала жүгірді.
Айта кетейік, 11 сәуірде Сауд Арабия Суперкубогының финалында "Әл-Иттихад" пен "Әл-Хиляль" футбол клубтары күш сынасады. Бұл ойын Абу-Дабидегі "Мұхаммед бин Зайед" алаңында өтеді.
Мақаланың түпнұсқасы: https://kaz.nur.kz/sport/other-sports/2081333-kristianu-ronaldu-matc-kezinde-toresige-zudyryq-koterdi-video/
