Англиялық "Арсенал" футбол клубының жанкүйерлері германиялық "Бавария" командасының фанатын соққыға жықты. Бұл туралы KAZ.NUR.KZ тілшісі хабарлайды.
9 сәуірде Чемпиондар лигасының 1/4 финалында "Арсенал" мен "Бавария" командалары кездескен еді. Лондондағы "Эмирейтс — Эшбертон Гроув" стадионында өткен ойын 2:2 есебімен тең аяқталды.
Матч барысында жанкүйерлер отырған трибунада төбелес болды. "Арсеналдың" жанкүйерлері "Баварияның" фанатын соққыға жыққан. Мұндай агрессияға себеп – "Бавария" жанкүйерлерінің матчты стадионда отырып тамашалауы. Өйткені оларға "Лациоға" қарсы ойында алаңға пиротехникалық заттар лақтырғаны үшін матчқа келуге тыйым салынған еді.
Айта кетейік, "Арсенал" мен "Бавария" арасындағы келесі матч 17 сәуірде "Альянц-Арена" стадионында өтеді.
Еске салайық, Чемпиондар лигасының ширек финалдық матчында "Реал Мадрид" өз алаңында "Манчестер Ситимен" тең түсті. Ал "Барселона" сырт алаңда "ПСЖ" командасын жеңді.
Мақаланың түпнұсқасы: https://kaz.nur.kz/sport/other-sports/2082881-arsenal-futbol-klubynyn-zankuierleri-bavariyanyn-fanatyn-soqqyga-zyqty-video/
