Қазақстандық теннисші жүлде қоры 1 миллион доллар болатын жарыста бақ сынайды

Үстел теннисінен Қазақстан құрамасының көшбасшысы Кирилл Герасименко Қытайда өтетін әлем кубогіне қатысады. Бұл туралы KAZ.NUR.KZ Ұлттық Олимпиада комитетінің ресми сайтына сілтеме жасап хабарлайды.

15-21 cәуір аралығында Қытайдың Макао аймағында үстел теннисінен әлем кубогі өтеді. Бұл турнирдің жүлде қоры – 1 миллион доллар.

Қазақстандық теннисші Кирилл Герасименко № 1 топта бақ сынайды. Оның қарсыластары – командалық, жұптық және аралас сында 7 дүркін әлем чемпионы Ван Чукин (Қытай), командалық сайыстан Азия чемпионы, жеке есепте және командада үш дүркін әлем чемпионатының қола жүлдегері Ан Чжэ Хен (Оңтүстік Корея).

Еске салайық, Кирилл Герасименко АҚШ-та өткен "WTT Feeder Corpus Christi 2024" халықаралық үстел теннисі турнирінде алтын медаль жеңіп алған еді.

Мәтіннен қате тапсаңыз, бізге жазыңыз