"Ойыншық қой": мәжіліс депутаты салмақ көтеруден әлем чемпионынан асып түсті

Мәжіліс депутаты Руслан Берденов зілтемірді жатып көтеруден 150 кг нәтиже көрсетті. Бұл туралы KAZ.NUR.KZ Ризабек Айтмұханның Instagram желісіндегі ресми парақшасына сілтеме жасап хабарлайды.

Еркін күрестен әлем чемпионы Ризабек Айтмұхан өзінің Instagram желісіндегі ресми парақшасында мәжіліс депутаты Руслан Берденовпен әңгімесін жариялады. Онда 20 жастағы спортшы депутаттан жаттығу залында зілтемірді жатып көтеруде қандай нәтиже көрсететінін сұраған. Руслан Берденов 150 кг екенін айтса, әлем чемпионы өзінің нәтижесі 105 кг деп жауап берген.

Депутат Айтмұханның жауабына "ойыншық қой", – деп пікір білдірді.

Айта кеткен жөн, бүгін Ризабек Айтмұхан 20 жасқа толды. Ол ел тарихындағы еркін күрестен алғашқы әлем чемпионатының алтын жүлдесін өткен жылы Сербияда жеңіп алған болатын.

Материал авторы: Досбол Атажан

Мәтіннен қате тапсаңыз, бізге жазыңыз