Спортты дамыту дирекциясы көркем гимнастикадан лицензиялық Азия чемпионатында бақ сынайтын спортшылардың тізімін жариялайды. Бұл туралы KAZ.NUR.KZ хабарлайды.
Көркем гимнастикадан лицензиялық Азия чемпионаты 2-4 мамыр аралығында Ташкентте өтеді.
Сары құрлық бәсекесінде жекелей сында ел намысын Эльжана Таниева мен Айбота Ертайқызы қорғайды. Топтық жаттығуда еліміздің атынан Аяулым Кәдір, Аружан Қалсаева, Ақсұңқар Әбдірахман, Баян Қойбақар, Мария Корниенко, София Ан өнер көрсетеді.
"Бұл Азия чемпионатындағы біздің ең негізгі мақсатымыз – 2024 жылғы Париж Олимпиадасының жолдамасын жеңіп алу. Команданың дайындығы жақсы. Әрдайым қарқынды түрде жаттығу жүргізді. Федерация өз кезегінде қажетті жағдайдың бәрін жасады. Ендігі кезекте біз жүлде алу үшін барымызды саламыз", - дейді Ұлттық құраманың бас бапкері Әлия Юсупова команданың жарысқа дайындығы жайында.
Мақаланың түпнұсқасы: https://kaz.nur.kz/sport/other-sports/2094275-korkem-gimnastikadan-aziia-chempionatynda-baq-synaityn-sportshylardyng-esimi-belgili-boldy/
