Top.Mail.Ru
Спорт

Сайт нұсқасы

ru kz

Зектілері

"Қарапайым жігіт қой": Шавкат Рахмонов жолда қалған көлік жүргізушісіне көмектесті (видео)

Опубликовано:

Жол бойындағы көлік
Жол бойындағы көлік. Видеодан кадр: instagram/aleke_202

Қазақстандық файтер Шавкат Рахмонов жол бойында қалған көлікті итеріп шығаруға көмектесті. Бұл туралы KAZ.NUR.KZ тілшісі хабарлайды.

Instagram желісінде жарияланған видеоға сүйенсек, оқиға 2 мамырда Алматы қаласының көшелерінің бірінде болған. Жол бойында қалған көлікті 4 ер азамат итеріп шығарған. Солардың ішінде UFC промоушенінің файтері Шавкат Рахмонов та бар.

"Мына жерде бір көлік жол жиегінде тұрып қалыпты. Шавкатты танымайды ғой деймін. Көлікті итеріп шығарып жіберші деп көмек сұрады. Барып көмектесіп жіберді. Алла разы болсын", – деді видео авторы.

Ал желі қолданушылары қазақстандық спортшының қарапайымдылығына тәнті болып, оң пікірлерін жазып қалдырды.

"Шавкат карапайым жігіт қой", "Алла сақтасын Шавкаты, тәрбиесі өте биік дәрежеде", "Қарапайым, өмір көрген жігіт қой", "Алла осындай қарапайым жігіттерге береді. Жарайсың батыр", - деді жұрт.

Мақаланың түпнұсқасы: https://kaz.nur.kz/sport/other-sports/2099534-qarapaiym-zhigit-qoi-shavkat-rahmonov-zholda-qalgan-kolik-zhurgizushisine-komektesti-video/

pixel