Винокуров – чемпион: велоспорттан Азия чемпионатында Қазақстан қоржынына екі медаль түсті

Алматыда өтіп жатқан тасжолдағы велоспорттан Азия чемпионатында Қазақстан қоржынына бір алтын, бір күміс жүлде түсті. Бұл туралы Спортты дамыту дирекциясына сілтеме жасаған KAZ.NUR.KZ хабарлайды.

23 жасқа дейінгі ерлер арасындағы жекелей сында қазақстандық велошабандоз Николя Винокуров 34 км қашықтықты 45:38 секундта бағындырып, мәре сызығын бірінші болып кесті. Дәл осы бағдарламада тағы бір отандасымыз Андрей Ремхеге күміс бұйырды. Оның уақыт көрсеткіші – 45:41 секунд. Қоланы Таиландтан келген Тулаторна Сосалама (46:01) иеленді.

"Қазіргі сезімімді сөзбен айтып жеткізу мүмкін емес. Барлығы да сәтті өтті. Күннің ыстығына қарамастан ата-анама берген уәдемді орындауға бар күшімді салдым. Бұл ортақ жеңіс. Қолдаған жандарға мың алғыс!", - деді Николя Винокуров.

12 маусымға дейін жалғасатын сары құрлық бәсекесіне 30 елден 450-ге жуық велошабандоз жиналды.

Мәтіннен қате тапсаңыз, бізге жазыңыз