Олимпиаданың ашылу салтанатына бірқатар әлем жұлдыздары қатысып жатыр (фото)

Парижде жазғы Олимпиада ойындарының ресми ашылу салтанаты басталды. Бұл туралы KAZ.NUR.KZ тілшісі хабарлайды.

Олимпиаданың ашылу салтанаты стадионда емес, су үстінде өтіп жатыр. Ұлттық құрамалар қайыққа мініп Париждегі Сена өзенін бойлай қайықпен шеру жасауда. Алғаш болып Грекия Олимпиада құрамасы шықты. Аталмыш дүбірлі доданың ашылу салтанатына бірқатар әлемдік танымал жұлдыздар мен лауазымды тұлғалар қатысып жатыр.

Томас Бах, Халықаралық Олимпиада комитетінің президенті

Эмманюэль Макрон, Франция президенті

Джанни Инфантино, ФИФА президенті

Леброн Джеймс, баскетболшы

Леди Гага, әнші

Салтанатты шарада 100-ге жуық қайық қолданылатыны хабарланған еді. 10 500 спортшы шығыстан батысқа 6000 шақырымды қайықпен жүзіп өтеді. Шеру Трокадеро алаңының маңында аяқталады. Мұнда ашылу салтанатының маңызды бөлігі – Олимпиада алауын жағу рәсімі өтеді. 

Париж Олимпиадасы 11 тамызға дейін жалғасады. Төрт жылдықтың басты бәсекесінде Қазақстан намысын 80 спортшы қорғайды деп жоспарланған еді. Алайда теннисші Елена Рыбакина денсаулығына байланысты Олимпиадаға қатыспайтын болды. Осылайша, Парижде 79 қазақстандық спортшы бақ сынайды. Олар спорттың 25 түрінен жүлдеге таласады.