Кирилл Герасименко Париж Олимпиадасын сәтті бастады
Опубликовано:
Париж Олимпиадасының үстел теннисі бәсекесінде Қазақстан атынан сынға түсіп жатқан Кирилл Герасименко алғашқы айналымдағы кездесуін өткізді. Бұл туралы KAZ.NUR.KZ тілшісі хабарлайды.
Франция астанасы Парижде өтіп жатқан Олимпиада ойындарының үстел теннисі бәсекесі басталды. Жарыстың 1/32 финалдық кезеңінде қазақстандық теннисші Кирилл Герасименко Чили елінің өкілі Николас Бургосқа қарсы ойын өткізді. Нәтижесінде отандасымыз қарсыласынан 4 сетте (11:4, 11:5, 12:10, 11:6) басым түсіп, келесі кезеңге жолдама алды.
Айта кетейік, Париж Олимпиадасының алғашқы күнінде ел қоржынына 1 алтын, 1 қола жүлде түсті. Дзюдодан Елдос Сметов Олимпиада чемпионы атанса, ату спортынан жалпы командалық сайыста Ислам Сәтпаев пен Александра Ле қолаға қол жеткізді.
Сондай-ақ Президент Қасым-Жомарт Тоқаев Олимпиада чемпионы Елдос Сметовті құттықтаған болатын.
- Париж Олимпиадасы: қазақстандық гимнасттар алтын жүлде үшін таласады
- Қасым-Жомарт Тоқаев Елдос Сметовке телефон шалып құттықтады (видео)
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2140707-kirill-gerasimenko-parizh-olimpiadasyn-satti-bastady/