Садақ атудан Қазақстан құрамасы Париж Олимпиадасының ширек финалына шыға алмады
Опубликовано:
Садақ атудан Қазақстан ерлер құрамасы Париж Олимпиадасының 1/8 финалында бақ сынады. Бұл туралы KAZ.NUR.KZ тілшісі хабарлайды.
Қазақстан құрамасы Италия командасымен бәсекеге түсті. Ел намысын Ильфат Абдуллин, Дәулеткелді Жаңбырбай, Александр Еременко қорғады. Негізгі уақыт 4:4 есебімен тең аяқталды. Ал қосымша уақытта Италия құрамасы жеңіске жетті.
Айта кетейік, қазақстандық садақшылар 25 шілдеде рейтингтік раундта сынға түскен еді. Ильфат Абдуллин 29-орын (663 ұпай) алса, Дәулеткелді Жаңбырбай 22-орынға (668 ұпай), Александр Еременко 59-орынға (640 ұпай) табан тіреген болатын.
Әзірге Қазақстан қоржынында Париж Олимпиадасының үш медалі бар. Нысана көздеуден Александра Ле мен Ислам Сәтбаев қола жүлде еншілесе, дзюдошы Елдос Сметов алтын медаль, тағы бір татами шебері Ғұсман Қырғызбаев қола жүлдені қанжығалаған еді.
- Олимпиада ойындарының жүлдегері Александра Ле финалдық кезеңде өнер көрсетті
- Владислав Яковлев жұбаныш финалына жолдама алды
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2141245-sadaq-atudan-qazaqstan-quramasy-parizh-olimpiadasynyng-shirek-finalyna-otti/